मुख्यमंत्री उद्धव ठाकरेंवरील शस्त्रक्रिया यशस्वी

मुंबई: महाराष्ट्राचे मुख्यमंत्री उद्धव ठाकरे यांच्यावरील सर्व्हायकल स्पाईन संबंधित शस्त्रक्रिया यशस्वी झाल्याची माहिती एच. एन. रिलायन्स रुग्णालयाचे डॉ. अजित देसाई आणि डॉ. शेखर भोजराज यांनी शुक्रवारी दिली.

या शस्त्रक्रियेदरम्यान मुख्यमंत्र्यांची प्रकृती पूर्णपणे स्थिर होती व आता शस्त्रक्रियेनंतर त्यांना रुग्णालयातील त्यांच्या कक्षात हलविण्यात आले असून त्यांची प्रकृती उत्तम आणि स्थिर आहे असेही डॉक्टरांनी सांगितले आहे. डॉ. अजित देसाई हे हृदयरोग तज्ज्ञ असून. डॉ शेखर भोजराज हे स्पाईन सर्जन आहेत.