सुविधांसाठी प्रवाशांच्या खिशात हात

नवी दिल्लीः रेल्वे स्थानकांवर प्रवाशांना मिळणार्या सोयीसुविधांचा खर्च भारतीय रेल्वे, आता प्रवाशांकडून ‘यूजर चार्ज वा शुल्क’च्या माध्यमातून वसूल करणार आहे. जी रेल्वे स्थानके प्रचंड गर्दीची असतील व अशा स्थानकांचे पुनर्निर्माण करण्याची गरज असेल अशा ठिकाणी ‘यूजर चार्ज वा शुल्क’ आकारण्यात येणार आहे. हे शुल्क अत्यंत मामूली स्वरुपाचे असेल व ते देशातील सुमारे ७ हजार रेल्वे स्थानकांपैकी १०-१५ टक्के स्थानकांवर लागू करण्यात येईल, अशी माहिती रेल्वे बोर्डाचे अध्यक्ष व्ही. के. यादव यांनी दिली. येत्या ५ वर्षांत वाढणार्या प्रवाशांची गर्दी पाहून ही रेल्वे स्थानके निश्चित करण्यात येतील असे यादव यांनी सांगितले.

सध्या रेल्वे क्षेत्रात खासगीकरण करण्याचे प्रयत्न व भाडेवाढ होण्याची शक्यता असताना रेल्वेने हा निर्णय घेतला आहे.

यावेळी नीती आयोगाचे अध्यक्ष अमिताभ कांत यांनी रेल्वेच्या विकासावर भर देण्याची गरज असल्याचे सांगत जपान व द. कोरियाने आपल्या देशातील रेल्वेच्या पायाभूत सुविधांवर भर दिला होता. त्यामुळे त्यांची रेल्वेसेवा अधिक फायद्याची ठरली. आपल्याकडे रेल्वेवर असा भर दिला तर देशाच्या जीडीपीत रेल्वे १-२ टक्के वृद्धी आणू शकते, असे दावा केला.

मूळ बातमी