५ ऑगस्टनंतर काश्मीरमधील जनजीवन

श्रीनगर : संसदेत ५ ऑगस्ट रोजी जम्मू व काश्मीरला विशेष दर्जा देणारे ३७० कलम रद्द झाल्यापासून राज्यातील परिस्थिती अद्यापही अशांत असून गेले २५ दिवस या रा

श्रीनगर : संसदेत ५ ऑगस्ट रोजी जम्मू व काश्मीरला विशेष दर्जा देणारे ३७० कलम रद्द झाल्यापासून राज्यातील परिस्थिती अद्यापही अशांत असून गेले २५ दिवस या राज्यातील नागरिकांचा उर्वरित जगाशी संपर्क तुटला आहे. खोऱ्यात लँडलाईन सेवा सुरू करण्यात आली असली तरी इंटरनेट व मोबाइल सेवा अद्यापही बंद आहे.

गेल्या २५ दिवसांत या राज्यात सरकारने घेतलेल्या निर्णयाविरोधात अनेक ठिकाणी नागरिकांची तीव्र निदर्शने झाली. निमलष्करी दल, पोलिसांशी चकमकीही घडून आल्या. पेलेट गनचा वापर केल्याने शेकडो नागरिक घायाळ झाल्याचीही वृत्ते प्रसिद्ध झालेली आहेत.

मुझमील भट हे श्रीनगर येथील छायाचित्रकार असून ५ ऑगस्ट रोजी राज्यसभेत ३७० कलम रद्द केल्याच्या निर्णयानंतर राजधानी श्रीनगरमधील गेल्या तीन आठवड्यातील परिस्थिती त्यांनी आपल्या लेन्सने टिपली आहे.

५ ऑगस्ट रोजी श्रीनगरमधील लाल चौक परिसरातील माईसुमा येथे सीआरपीएफची एक बटालियन तैनात करण्यात आली. या तुकडीला मार्गदर्शन करताना एक अधिकारी.

५ ऑगस्टला पर्यटक व परप्रांतीयांनी खोरे सोडून जाण्यास सुरवात केली.

९ ऑगस्टला श्रीनगरमध्ये पोलिसांनी पेलेट गनचा वापर केला. त्यात जखमी झालेली व्यक्ती व त्याचे कुटुंबिय.

पर्यटकांना काश्मीर सोडून जाण्यास सांगितल्यानंतर शिकाऱ्याचा व्यवसाय बंद पडला. ११ ऑगस्टला निगीन सरोवरातील एक बोट भाजीपाला घेऊन जात असताना.

५.खोऱ्यातील दूरध्वनी, इंटरनेट व मोबाईल सेवा बंद केल्यानंतर वर्तमानपत्रांनाही या बंदीची झळ बसली. केवळ चार पानांची वर्तमानपत्रे प्रसिद्ध होऊ लागली. ११ ऑगस्टच्या सकाळची ही परिस्थिती.

खोऱ्यातील दूरध्वनी, इंटरनेट व मोबाईल सेवा बंद केल्यानंतर वर्तमानपत्रांनाही या बंदीची झळ बसली. केवळ चार पानांची वर्तमानपत्रे प्रसिद्ध होऊ लागली. ११ ऑगस्टच्या सकाळची ही परिस्थिती.