पॉप गायिकेला पॉर्न स्टार म्हणत अभाविप कार्यकर्त्यांचा राडा

पॉप गायिकेला पॉर्न स्टार म्हणत अभाविप कार्यकर्त्यांचा राडा

गोरखपूर: येथील मदन मोहन मालवीय टेक्नॉलॉजिकल युनिव्हर्सिटी (एमएमएमटीयू) च्या 'टेक सृजन २०२२' या वार्षिक कार्यक्रमात इंडोनेशियाची पॉप गायिका जुबैला हिच्

जेएनयूत गुंडांचा ४ तास धुडगूस, विद्यार्थ्यांना जबर मारहाण
हल्ल्याचा सर्व थरांतून निषेध
जेएनयूतील सर्व्हरची तोडफोड मुलांनी केलीच नव्हती

गोरखपूर: येथील मदन मोहन मालवीय टेक्नॉलॉजिकल युनिव्हर्सिटी (एमएमएमटीयू) च्या ‘टेक सृजन २०२२’ या वार्षिक कार्यक्रमात इंडोनेशियाची पॉप गायिका जुबैला हिच्या कार्यक्रमाला विरोध करण्यासाठी आलेल्या अखिल भारतीय विद्यार्थी परिषदेच्या (एबीव्हीपी) कार्यकर्त्यांची विद्यार्थ्यांबरोबर मारामारी झाली. यात दोन्ही बाजूचे अर्धा डझन लोक जखमी झाले.

अभाविपने तंत्रज्ञान विद्यापीठाच्या दोन शिक्षकांसह तिघांविरुद्ध कँट पोलिस ठाण्यात खुनाचा प्रयत्न, हल्ला आणि बंडखोरी केल्याप्रकरणी एफआयआर दाखल केला आहे. विद्यापीठानेही अभाविपच्या कार्यकर्त्यांविरोधात तक्रार केली आहे.

दरवर्षी एमएमएमटीयूचे विद्यार्थी त्यांचा वार्षिक महोत्सव ‘टेक सृजन’ या नावाने आयोजित करतात ज्यामध्ये विविध शैक्षणिक उपक्रमांव्यतिरिक्त सांस्कृतिक कार्यक्रमही आयोजित केले जातात. यावेळी हा कार्यक्रम १४-१६ मे रोजी झाला.

कार्यक्रमाच्या पहिल्या दिवशी सायंकाळी सांस्कृतिक कार्यक्रमात इंडोनेशियाच्या पॉप गायिका जुबैला यांचा कार्यक्रम होता. कार्यक्रमानंतर अभाविपच्या गोरखपूर युनिटने जुबैलाचा कार्यक्रम अश्लील असल्याचे म्हटले आणि कार्यक्रमात पॉर्न स्टारला बोलावण्यात आल्याचे सांगत निषेध करण्याच्या उद्देशाने ३०-३५ कार्यकर्ते १९ मे रोजी विद्यापीठात पोहोचले. तेथे प्रशासकीय इमारतीजवळ विद्यापीठातील विद्यार्थी आणि कार्यकर्त्यांमध्ये वाद झाला, त्याचे रुपांतर हाणामारीत झाले. यामध्ये दोन्ही बाजूचे काही लोक जखमी झाले.

विद्यार्थ्यांनी केलेल्या हल्ल्यात आपला कार्यकर्ता सुयश पांडे यांच्या डोक्याला मार लागला, तर रवी गोस्वामी, प्रशांत मणी त्रिपाठी, सागर कसारा यांना गंभीर दुखापत झाल्याचा आरोप अभाविपने केला आहे. प्रशांतचा मोबाईल हिसकावण्यात आला आहे.

प्रशांत हे अभाविपचे महानगर सरचिटणीस आहेत. त्यांनी तंत्रज्ञान विद्यापीठाच्या स्टुडंट अ‍ॅक्टिव्हिटी कौन्सिलचे अध्यक्ष प्राध्यापक बीके पांडे, जनसंपर्क अधिकारी डॉ. अभिजित मिश्रा, माजी डॉ. विद्यार्थी आशुतोष सिंग बाला यांच्याविरोधात खून, हल्ला, दंगल, करण्याचा प्रयत्न केल्याची तक्रार कँट पोलीस ठाण्यात दाखल केली.

१४ मे रोजी संध्याकाळी विद्यापीठात पॉर्न स्टारचा कार्यक्रम आयोजित केल्याचा निषेधार्थ १९ जून रोजी अभाविपचे कार्यकर्ते निवेदन देण्यासाठी गेले असता प्राध्यापक पांडे, डॉ.अभिजित मिश्रा यांनी ३००हून अधिक विद्यार्थ्यांना प्रशासकीय इमारतीबाहेर जमा करून पूर्वनियोजित पद्धतीने अफवा पसरवून चिथावणी दिली आणि त्यांच्यावर हल्ला करण्यात आल्याचा अभाविपने आरोप केला.

अभाविपचे राष्ट्रीय कार्यकारिणी सदस्य नवनीत शर्मा यांनी द वायरला सांगितले, “जुबैलाचा कार्यक्रम विद्यापीठाच्या प्रतिष्ठेला धरून नव्हता. शिक्षण संस्थेत असा कार्यक्रम होता कामा नये. त्या रात्री कार्यक्रमादरम्यान हुल्लडबाजी आणि हाणामारी झाली. १६ मे रोजी या कार्यक्रमाची माहिती मिळताच त्याविरोधात निवेदन देण्याचा निर्णय घेण्यात आला. निवेदन देण्यासाठी आलेल्या कार्यकर्त्यांवर तेथील शिक्षकांनी विद्यार्थ्यांना भडकावून मारहाण केली.

तिथे काही अश्‍लील परफॉर्मन्स झाला का, असे विचारले असता ते म्हणाले, ‘‘कलाकाराच अश्‍लील बोलावले होते.’’ या कार्यक्रमाचे कोणतेही व्हिडिओ फुटेज आपल्याकडे नसल्याचेही त्यांनी सांगितले.

दुसरीकडे विद्यापीठाचे कुलगुरू प्राध्यापक जे.पी.पांडे यांनी अभाविपचे आरोप निराधार आणि विद्यापीठाची बदनामी करणारे असल्याचे म्हटले आहे.

पांडे  म्हणाले, “अभाविपचे कार्यकर्ते कोणतीही माहिती न देता निवेदन देण्यासाठी आले आणि कॅम्पसमध्ये पोहोचल्यानंतर त्यांनी घोषणाबाजी सुरू केली. त्याची वृत्ती अरेरावीची होती. कसेबसे त्यांना शांत केले आणि चर्चेसाठी बोलावले आणि त्यांच्या आरोपात तथ्य नसल्याचे त्यांना सांगितले. असे असले तरी आरोपांची चौकशी करण्यासाठी आम्ही चार शिक्षकांची समिती स्थापन केली आहे. समितीचा अहवाल आल्यानंतर योग्य ती कारवाई केली जाईल.”

प्राध्यापक पांडे म्हणाले, “अभाविपचे कार्यकर्ते शिक्षकांशी गैरवर्तन करत होते, ज्यामुळे विद्यापीठातील विद्यार्थी संतप्त झाले होते. या मारामारीत शुभम चौरसिया हा अंतिम वर्षाचा विद्यार्थी गंभीर जखमी झाला आहे. अभाविप कार्यकर्त्यांच्या वागण्याने व आरोपांमुळे विद्यार्थी दुखावले गेले. त्यांना कसेतरी नियंत्रणात ठेवले अन्यथा परिस्थिती आणखी बिघडू शकली असती.

ते म्हणाले की, कार्यक्रमात कोणतीही अश्लीलता नव्हती. चार शिक्षकांचा समावेश असलेल्या समितीला आता १९ मेच्या घटनेचाही अहवाल देण्यास सांगण्यात आले आहे.

COMMENTS

WORDPRESS: 0
DISQUS: 0